انا متعودة العب بلون شعري وانا كنت هموت واعملي بني شيكولاتي مع خصل
ذهبي وقريت عن الحنة لو ضفنا لها اشياء تعطي الالوان اللي انتي عايزاها
وفي ساعة تجلي كده قولت لما اجرب في اطراف الشعر عشان لو اللون طلع وحش
ميشوهش منظر شعري لما اعمله بالصبغة والنتيجة والله انا تصدمت منها لون
بني شيكولاتي مع خصل ذهبي بتلمع
المكونات اللي استعملتها
2معلقة حن
معلقة كركم بتاع الاكل
1/2 معلقة خل
1/2 معلقة ليمون
1/2 معلقة بابريكا
1/2 كوب ماء مخلوط بكركم للعجن
الطريقة بنجيب طبق ونخلط النواشف في الحنة والبابريكا والكركم
بعد كده بنضيف السوائل
بمعلقة ونخلط كل المقادير هيكون قوامها كريمي
ونعملها الصبح ونستعملها بليلحد ما تخمر شوية وتحطي صباعك فيها هتلاقيه
ادي لون اصفر علي اورنج كده
لازم نلبس قفازات واحنا بنوزعها عشان بتصبغ الايد بس بيطلع اللون
بليمون وملح
بنجيب ورق فويل مربعات
ونفرد الحتة ونلفها برورق الفويل منبتديش من منبت الشعر عشان بيكون
شكله بايخ
بعد كده بفرشاة السنان بنوزرع علي بقية الشعر اللي مش ملفوف توزيع
عشوائي
ونلبس بونيه الشعر ونلبس ايشارب عشان المخدة متتلونش وننام ونصحي تاني
يوم
بعدين نغسل الشعر بالشامبو ونفرك الراس عشان الحنة تنزل
ونقص الاطراف المقصفة
وندهن زيت انا بستعمل فاتيكا
والنتيجة كانت مقاربة لدي بنسبة كبيرة
تحياتي الكم سمومه
